1 & 2 Timotius

Temme'i tanda mariri jiong ke madoangki' ssa'ding Sura'na Paulus lako Timotius.

Timotius mesa' kallolo jio propinsi Asia Biccu', tomatappaq, to menjajimo sangpangjamanna Paulus mbalii lan jamanna. To-Yunani to ambe'na na to-Yahudi to indona.

Lan tee sura' mangpempissenna Paulus lako Timotius, den tallu kara-kara la dipangpeissenan. Bungahna dikua naanggaii Timotius to tompangngajaran pangngajah sala lan jamaa. Mangpenduanna mpatujui Timotius, umbo dikua nnurusu' jamaa na kamassompanna. Napamanassan too Paulus matumba sipa'na tau to wa'ding nnatoro' sola mangjama lan jamaa. Tampakkana, dipauanni Timotius umbo nakua menjaji tomangjama melo-Na Puang Isa Almaseh, na passananna lako mangrupa-rupa torroan tau lan jamaa.

Ia to dipau lan sura' mangpenduanna Paulus lako Timotius, buda-buda pangpakainga' to dipatuju lako manda Timotius. Napakainga'i Paulus to Timotius, dikua namawatang lan jamanna. Napamasumanga'i anna tatta' mpangpeissenan to Kareba Kasalamatan jio mai Puang Allataala, moi nadipakario-rio sola diewali.