Hurupu'na basa Duri

Sipangkada-kada: Male do' sa'dan

Den 25 sipangkada-kada lan te' to biasa napake to to-Duri ke sipangkada-kadai. Sallauga ia te' sipangkada-kada, wa'dingngi mbantui to to-Duri to mpake bicara Duri lan sangrapona ia'rika lan masaraka' untu' melajah mpake bicara Indonesia, to dipelajahhi jio passikolan sola to dipake lan bo'-bo' bacan bicara Indonesia. Apa ia te' bo' sipangkada-kada bicara Duri dibattuananni lan bicara Indonesia sola bicara Inggirisi' lan sanglampa-lampa kada, te'da nadibattuananni lan mesa'-mesa' kada tama bicara Indonesia sola bicara Inggirisi'.

Maka duanna: Ia to passikola na ia to pegawe buda to ngkabudai melajah bicara Inggirisi'. Sitonganna ia te' bo' te'da nadikabua' husus untuk dipake melajah bicara Inggirisi', apa ia to battuananna lan bicara Inggirisi' wa'ding una mbantui to madoang melajah bicara Inggirisi'.

Ia to hurupu' dipake lan te' sipangkada-kada susi una to dipake lan bicara Indonesia apa diusahakanni na ia to hurupu' mate (') dipangbiasai dipake.

Hurupu' mate:

p t c k '
b d j g
m n ny ng
w s l r y h

Hurupu' tuo:

i u
e o
a

Padamira tee kupalantu' lako kita' sola ngasan, ia pale' ke denni tasanga tangcocok tangganna', kita' bangmo mpaganna'i.

Temme'i to sura' jiong ke madoangki' mbaca basa Inggrisi'na iarika basa Indonesia!