Markus

Temme'i teq tanda mariri jiong ke madoangki' ssa'ding apa to dipau lan Sura' Markus.

Ia tee sura' Kareba Kasalamatan nauki' Markus pamulanna dipau kumua, <<Iamo tee Kareba Kasalamatan mpamanassai to Puang Isa Almaseh, kumua Iamo Anak Allataala.>> Lan tee Kareba Kasalamatan nanii pajan to kamakuasan-Na Puang Isa jiona sininna apa Napugauk naliwaq matongko. Ia joo kamakuasan-Na dikita ke mangngajahhii, ke nnulaqi setang, na ndampangan tomadosa. Puang Isa mpangpetandan kalena kumua iamo Anak Mentolino, to mpangben sunga'-Na, dikua anna pusalama'i tobuda.
Ia to dicurita lan tee sura' la'bi buda to sininna apa napugauk Puang Isa, na ia to kadan-Na sola pangngajaran-Na. Ia to pamulanna tee sura'na Markus bondi'ra. Iamo to ncurita Nabi Yahya, Puang Isa dijio' anna pengkulle-kullei Ballisi' ssedei mpugauk dosa. Mangkai joo ta'pa nacuritami to pangjaman-Na Puang Isa, iamo to mangpamalagah na mangngajahhi. Ba'tu pira-pira pasala' tampakkana tee suraq ncuritai to sininna apa jaji tonna pirang-pirang allopa nacappaq to katuoanna Puang Isa lan lino, la'bi-la'bi tonna dipampang jao kaju sitamben namate natuo pole'.