Pengkitanna Yahya

Temme'i te' tanda mariri jiong ke madoangki' ssa'ding apa to dipau lan Sura' Pengkitanna Yahya.

Ia tee sura' Pengkitanna Yahya diuki' tonna dipa'dikki to tomatappa', sanga matappa'i kumua manassa Puang to Isa Almaseh. Ia to akkattana to tonnuki'i tee Pengkita, dikua na den rannunna sola masumanga' to tombacai anna da'tan matappa', moi dipa'dikki ba'tu disessa.

Lan tee sura' den ba'tu pira-pira pengkita to dipamanassa mpake pira-pira tanda to wa'ding napahang Tosarani joo wattu, apa masussa napahang tau to allo. Na ia to dipau lan tee Sura' Pengkita, tongan, na didadu'-dadu' dipau mpake mangrupa-rupa pengkita. Moi namangrupa-rupa pahangna tau jiona te' sura', apa ia to parallunna iamo to: nang la Natalo Puang Allataala to ewalinna, moi Ballisi', nasaba' mangkami mate Puang Isa natuo pole'. Na ianna patalomo, napadenanmi Puang Allataala to Lino Baru sola Langi' Baru lako ummaq-Na.