Tedong malillin (33)

A1: Budaraka tedong malillin indeq?
B1: Ieq, buda jio buntu Latimojong, apa malaira.
A2: Matumbara ke dijokkoi?
B2: Dipaulaqi asu.
A3: Matumbara ke dibunoi?
B3: Iana dibuno, didokei iaqrika dibakaqi.
A4: Apara dikabuaq doke?
B4: Ia to dikabuaq doke kajaoh iaqrika bassi. Dipetarannii cappaqna ke ngkabuaq doke.
A5: Indara macca ngkabuaq doke?
B5: Buda tau macca ngkabuaq doke nteq mai.
A6: Matumbara joq tedong malillin?
B6: Susi to beke apa malotong ngasan bulunna pada bang to bai.
A7: Susiraka to tanduk tedong to tandukkuna?
B7: Teqda. Ia to tanduk tedong malillin tuo lako bokoqna na gaja taran, apa ia to tanduk tedong tuo lako saqdena na teqda namataran gaja.
A8: Ciapari namataran tandukkuna to tedong malillin?
B8: Ia adeqna namataran to tanduk tedong malillin, sanga tuli nasangehhi jio batang kaju.